Roli monitorues i AMA-s gjatë procesit zgjedhor, ishte temë kryesore e takimit mes zyrtarëve të lartë të Autoritetit të Mediave Audiovizive dhe delegacionit të Misionit të Vlerësimit të Nevojave (NAM), të dërguar në Shqipëri nga Zyra e OSBE-së.
Z. Ulvi Akhundlu, Zëvendëskryetar i Departamentit Zgjedhor të ODIHR-it, Z. Kakha Inaishvili, Këshilltar Zgjedhor i ODIHR dhe Z. Sherif Abdili, përfaqësues i Asamblesë Parlamentare të OSBE-së kryen një vizitë në Autoritetin e Mediave Audiovizive ku veç monitorimit të zgjedhjeve u diskutua dhe roli rregullues i institucionit për rregullimin e tregut mediatik.
Vlen të theksohet se që prej vitit 2021 kur Autoriteti kryen detyrën e monitorimit të zgjedhjeve, nuk ka pasur asnjë ankesë nga subjektet politike në lidhje me këtë fakt.
Në raportimet e AMA për KQZ gjatë zgjedhjeve, jepen të dhëna të identifikuara në edicionet informative, emisionet debutuese e forume, reklamat politike, mbulimet live të aktivitetit elektoral, titrimet për TV informative si dhe aktivitetet e ndaluara të institucioneve publike dhe reklamat institucionale.
Sipas kryetares së AMA-s Znj.Armela Krasniqi, u diskutua sfida e institucionit për ngritjen e studios së re të monitorimit.
Sipas metodologjisë standarde të ODIHR, qëllimi i ekipit të NAM është vlerësimi i mjedisit parazgjedhor dhe përgatitjet për zgjedhjet e ardhshme. Bazuar në këtë vlerësim, NAM do të rekomandojë dërgimin e një misioni të ODIHR-it për vëzhgimin e zgjedhjeve të ardhshme parlamentare në vendin tonë, që i përshtatet nevojave të identifikuara.
